كتابة C.V صحيح

نصائح سريعة للكتابة C.V محترف

الى بيدورا على شغل ( ركزوااااا كويس قووووووى فى الموضوع ده )

بتبعت السى فى بتاعك ومحدش بيرد عليك !! ؟

مش عارف السى فى بتاعك صح ولا غلط !!؟

لو انت Fresh Graduate ومش معاك خبرة ايه المفروض الى تعمله !!؟

بالظبط كل الى انت محتاجه انك تركز جداً فى الى هقوله ده

 أولاً:- هنتكلم عن الــ ســـى فى  CV ... ليه انت محتاج ســـى فى CV

1- الوقت بيمر بسرعة وانت محتاج كل لحظة فى حياتك

2- هيساعدك فى تنظيم امور كتيرة خاصة بمستقبلك

3- هيخليك تحط اهداف لمستقبلك وتكون واضحة

4- اى خطاب توصية او اى نموذج عمل هيحتاج منك الـ CV

5- لازم تكون جاهز لاى فرصة

6- بالنسبة ليا الـ CV هيا كتاب بشوف فيه مميزاتى وعيوبى

مقترحات عامة :-

• استخدم نفس نوع الخط ويكون حجمه 12
• ورقة عادية خالص بدون اى Borders ولا الوان
• لون الخط أسود
• الهوامش بتاعت الصفحة تكون 1
• العنواين والحاجات المهمة خليها Bold ونفس حجم الخط
• بلاش اى Graphic
• خلى اسمك كامل فى كل صفحة فى الــ Header
   

دى اهم 5 نصايح عشان تحطها فى بالك وانت بتعمل CV

• Clear – well organized and logical
• Concise – relevant and necessary
• Complete – includes everything you need
• Consistent – don’t mix styles or fonts
• Current – Up-to-date
   
• يعنى السى فى لازم يكون واضح ( منظم جداً ومنطقى )
• موجز ( يعنى تكتب اهم حاجة – الحاجة الضرورية ملهوش لازمة اى كلام وخلاص )
• كامل ( يعنى يكون فيه كل البيانات الى انا كــ Recruiter هكون محتاجاها )
• منسق ( بلاش الــ over design و الخطوط الكبيرة والحركات دى )
• حالى ( يعنى يكون Up 2 date يعنى متحدث بكل بياناتك – متغيرش رقم تليفونك وتنسى الرقم القديم فى الــ CV ) 
   

ايه المفروض الى يكون مكتوب فى الــ CV 

1- ابدأ السى فى ببياناتك الشخصية ( اسمك كامل – العنوان – البريد الالكترونى – ارقام التليفون )

2- التعليم ( المؤهل بتاعك )

3- اى وسام او جايزة انت اخدتها ( سواء فى الشغل او نشاط طلابى او عمل تتطوعى )

4- الخبرات بتاعتك ( الاماكن الى اشتغلت فيها )

5- المهارات بقى ( اللغة – الكمبيوتر – مهارات شخصية )

6- اى نشاط تتطوعى انت اشتركت فيه ممكن تكتبه بعض الخبرات بتاعتك